一个抑郁症患者的自白：浅谈抑郁症
先介绍笔者自己，我都系一个抑郁症患者，主要由儿时心理创伤而形成，有见过心理医生接受治疗，同时亦有靠自己既阅读去了解自己同埋了解何谓抑郁症（例如拉康既精神分析，唔敢话自己识好多野，但至少我识既野可以帮到我自己），而呢一个过程对于我日后点样有效面对抑郁症，有极大帮助。
事先声明，我只系讲返自己既经验，未必可以套用系所有抑郁症患者身上。
抑郁症并唔系脑分泌失调然后就有自杀倾向衔简单。
抑郁，从字面理解，就系会将郁结抑压，唔会抒发出黎。呢个系一种特别既心理状态，好难理解。
可能你会问，渠唔开心做咩唔同朋友讲？或者渠做咩唔去谂点样解决果D令渠唔开心既问题？其实呢D都系常人好容易会问既问题，但问完只会显露出你对抑郁既一无所知。
点解一个抑郁症患者唔会向其他人倾诉，系有好复杂既原因系入面，或者我试下讲几个。第一系怕我讲完唔开心既野，会令你唔开心；或者我曾经同你讲过我既唔开心，但你唔理解；或者我觉得你帮唔到我，因为我觉得自己陷入一个死胡同，点样都解决唔到；或者其实讲出黎都无意思；或者呢D唔开心既野系我内心既秘密，好难直接讲出黎⋯⋯有太多原因可以令抑郁症悲者（我地）唔肯主动倾诉。
但同时我地亦会有时想比身边既人知道我地既唔开心，但会用一种比较间接而隐闭既方式——我地好想比人知道，但又同时无办法直接同人讲，只有等细心既人发现，但呢种细心既人大概一百个入面都唔知有无一个。
系大众面前我地都系一个正常人，我地会玩得好High又会笑得好灿烂，但偶尔我地心入面既悲伤都会泛滥，微微同你透露小小我地既真实心情，但你通常都唔会察觉到，或者你只会觉得系我地一时失常而尔。
想讲又唔讲既呢一种挣扎会伴随我地一生，我地好难去同其他人表识自己真正既情绪。然后你既情绪得唔到释放，你选择压抑。呢种恶性循环如此落去，压抑总有一日会爆炸，然后我地就会去自杀。
自杀既念头系一直都会有，我地会因为成日唔开心而想自杀，但又会呃自己只要忍多阵就ok；或者我未有勇气去自杀；或者我地既内心其实唔系想自杀，只系而家睇落好似走投无路，眼前既问题好似一个个死结，除左自杀之外都唔知点算。
抑郁症患者既唔开心由边度而黎？有D可能系细个果阵既阴影、家人既压力、朋辈间既相处、自卑、工作或学业⋯⋯仲有一种系唔知系边度黎既唔开心——总之我就系突然唔开心，但我讲唔到点解，我真系唔X知点解我会衔唔开心。
我地好迷惘，我地有好多矛盾，而你唔会知道点样帮我地，我地都唔知点样可以帮到自己。
抑郁系一场唔会完结既战争，但都会有休战既时候，或者可以休战到你死既果一刻。
如果你宜家比我再拣过，我可以拣我有无抑郁症，出奇地，我会选择有。抑郁唔系一种病，亦唔系一种弱点，同样渠都可以系一种优势，一种成长既契机，渠会陪伴住你，直至你成为一个更好既人，然后你就可以同渠和平相处。
抑郁症患者经常都会陷入一个个死胡同，我地见唔到问题可以解样解决，我地觉得咩都做唔到，做咩都无用，我地好无助，但又无办法揾到帮助。
其实我地需要既系一个全新既方法，一个我抑郁症患者地从来都未谂过既方向。帮助抑郁症既其中一个方法，就系话比渠地知道，其实有好多野都系渠地呢一刻未谂到既。我地必须提供一个新既可能性，不论最后结果会系点，但呢个新既可能性或者会改变现时既处境。
好多人话只要抑郁症患者离开压力源头，就可以得到纾缓，但笔者认为衔样系治标唔治本，因为你系不断逃避紧。而且其实可以逃避既，我地都已经逃避左，而家最大问题在于，有好多压力系我地无法逃避既。
我地抑郁症患者需要学习点样去面对抑郁症本身，我地需要学习点样去面对自己，因为抑郁症就系我地自己既一部分。就好似一个小一既小朋友，当我地立即比四则运算练习比渠，渠一定做到想死。系抑郁症患者眼中，你比十题数渠做，渠会觉得系做紧一百题条，好似做唔完，自己又唔系好识做。
学习系一个过程，小朋友系学识之前唔会知道，当渠完全明白左要点样做之后，果十题数其实唔难。抑郁症患者就系长期处于小朋友未开始做数、或者只系做紧第一题数果阵既阶段。
抑郁症患者好难摆脱悲伤。其中我地有一个好大既误解系，以为悲伤系可以解决。其实人系无法唔悲伤，除非你系智者，其实智者都未必得。EQ高唔系代表渠唔会唔会开心，唔会唔开心既人其实系EQ低，因为人都有情绪，EQ高既人识得用方法去面对自己既情绪，然后等呢种情绪慢慢淡化。悲伤情绪系一种signal，比你知道你唔中意某一样野，而当你完全接收左呢种signal，你既脑袋就会慢慢减少呢种signal既发放。每个人都有多于一种渲泄情绪既方式，有人大喊，有人做运动，而抑郁症患者需要揾到一种有效既渲泄方法。
寻找方法，然后尝试并学习面对自己既情绪，当中必然经过好多难关，但当中你亦会系路中拾起属于自己既宝物。呢篇文章无法令你解决抑郁症，就好似我同小朋友讲只要你识平衡就识踩单车，但小朋友都无可能即刻学识。学习既过程需要好多尝试，唔系本文可以讲晒，但至少本文可以比你知道多少少何谓抑郁。
拥有抑郁症，代表你有机会与众不同。你更能理解其他人既情绪，你更能理解自己、同自己好好相处，呢一种能力，其实好多所谓正常人都无。
有一日我地会爱上自己。共勉。
想了解关注更多抑郁情绪，抑郁症的资讯请关注微信公众号： kyyq66。